Europol: 130 të arrestuar për kontrabandë me njerëz

10:06 | 6 Korrik 2022
Trina Galanxhi

Policia ka arrestuar rreth 130 persona të dyshuar për kontrabandë me qenie njerëzore nëpër Europë, njoftoi Europol, e cila ka selinë e saj në Amsterdam.

Në operacionin e përbashkët të javës së kaluar morën pjesë 22 vende dhe në aksion u identifikuan më shumë se 100 viktima të mundshme të trafikimit të qenieve njerëzore, raporton Reuters, duke iu referuar një deklarate të Europol, transmeton portal arbresh.info

Gjatë operacionit, i cili u koordinua nga agjencia europiane e mbrojtjes së kufijve Frontex, pothuajse një milion njerëz dhe rreth 200,000 automjete u kontrolluan në kufijtë tokësorë dhe detarë dhe në aeroporte.

Rreth 22,500 oficerë policie u angazhuan në atë aksion gjithëpërfshirës së bashku me 15 vende të BE-së, dhe policia e Bosnjë-Hercegovinës, Malit të Zi, Maqedonisë së Veriut, Ukrainës, Britanisë së Madhe dhe Lihtenshtajnit gjithashtu morën pjesë, sipas Reuters./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm